«Үздік бастауыш сынып мұғалімі» облыстық (сырттай) конкурсының қалалық кезеңі

Көкшетау қаласының білім бөлімі 2020 жылғы 14-15 қазан күндері жалпы білім беретін мектептердің бастауыш сынып мұғалімдерінің  арасында «Үздік бастауыш сынып мұғалімі» облыстық (сырттай) конкурсының қалалық  кезеңін өткізді.

Мақсаты: оқу-тәрбие үрдісінің тәжірибесіне заманауи инновациялық білім беру технологияларын енгізе отырып,  педагогтардың кәсіби шеберлігін арттыру. 

Конкурсқа қала мектептерінің 28 бастауыш сынып мұғалімі қатысты. 

Қатысушы мұғалімдер «Педагог портфолиосы», «Бейне сабақ», «Мен-заманауи бастауыш сынып мұғалімімін» үш бөлім бойынша тапсырмаларды орындады. 

Қазылар алқасы конкурс қорытындысын саралай келе, жеңімпаздарды анықтады. Конкурсқа қатысқан М.Ғабдуллин атындағы №3 көптілде оқытатын мамандандырылған гимназиясының бастауыш сынып мұғалімі  Ахметова Л.Р жүлделі екінші  орынға ие болды.

Жеңімпаз ұстазымызды  құттықтаймыз және алдағы уақытта шығармашылық табыс тілейміз!