2-4 сынып оқушыларына арналған «Бастау» XVІІ республикалық математикалық олимпиадасының облыстық кезеңі

Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығы 2024 жылғы 5-7 ақпан аралығында Сандықтау ауданының Сандықтау ауылында «Жас дәурен» жыл бойы балалар сауықтыру лагерінің базасында 2-4 сынып оқушыларына арналған «Бастау» XVІІ республикалық математикалық олимпиадасының облыстық кезеңіне М.Ғабдуллин атындағы көпсалалы гимназияның оқушылары қатысып, командалық  жарыста 2- дәрежелі дипломымен марапатталып, жеке сайыста жүлделі орындарды иеленді: 4 «В» сынып оқушысы Хариғазы Мұхамедияр ІІ-дәрежелі дипломымен марапатталды. Мұғалімі Жанбырбаева Н.Х. 3 «А» сынып оқушысы Жанбырбай Малика ІІІ-дәрежелі дипломымен марапатталды. Мұғалімі Абылкалыкова Р.Б. 2 «А» сынып оқушысы Тендеш Айлин  ІІІ-дәрежелі дипломымен марапатталды. Мұғалімі Нурканова С.Б.
Олимпиаданың мақсаты - бастауыш сынып оқушыларының математикалық қабілеттері ерекше дамыған дарынды балаларды айқындау, қолдау, математикадан білімдерін тереңдету және кеңейту болып табылады.
2-4 сынып оқушыларына арналған «Бастау» математикалық олимпиадасы - бастауыш сынып оқушыларына арналған білім беру-дамыту бағдарламасы. Олимпиада жеке және командалық сайыс болып табылады.
Облыстық кезеңі 3 турдан тұрды:
1-тур - «Әу, баста!» (командалық, жазбаша тур).
2-тур - «Асық» (командалық, ауызша тур)
3-тур - «Бәйге» (жеке, ауызша тур)
Жеңімпаздарды шын жүректен құттықтаймыз және жаңа жеңістер тілейміз!!!