Дарынды оқушы - 2025

2024-2025 оқу жылының соңғы аптасы «Марапаттау аптасы». 2025 жылдың 21 мамыр күні мектеп-гимназия қабырғасында оқу-тәрбие додаларында білім мен ізденістің, еңбек пен табандылықтың, таланты мен қабілетін дәлелдеген, мектебіміздің абыройын асқақтатып жүрген оқушыларымызды марапаттауға арналған «Жетістік жолындағы дарындылар » айдарымен «Дарынды оқушы - 2025» салтанатты шеру ұйымдастырылды. Бұл – білім мен шығармашылықта ерекше жетістікке жеткен оқушылардың құрметіне арналған маңызды әрі дәстүрлі іс-шара. Аталмыш іс-шараға мектеп- гимназияның ұстаздары, қамқоршылық кеңес мүшелері, ата-аналар , оқушылар қатысты. Халықаралық олимпиада, ғылыми жоба, өнер, спорт, қоғамдық жұмыс қай салада болсын биіктен көрінген оқушыларымыз 5 номинация бойынша директордың «Дарынды оқушы-2025» Диплом және «ALAQAN TECHNOLOGIES» жауапкершілігі шектеулі серіктестік демеушілігімен әр оқушыға 10 мың теңгелік сертификаттар табысталды. Мектеп-гимназия директоры Ахмеджанова Ардак Маратовна дарынды оқушыларды марапаттарымен құттықтай келе « Жыл оқушысы 2025» лентасын гимназия түлегі 11-сынып оқушысы Нұран Нұржанға табыстап, 100 мың тг сертификат берді. Мектеп-гимназиясының жыл оқушысы Нұран Нұржан ұстаздарға, ата-аналарға достарына жылы лебіздерін білдірді. Салтанатты шара соңы ардагер ұстазы Шонова Магрипа Газизқызы сөзіне жазылған, Байкулин Кұсаиннің әні «Гимназия гимн» аяқталды.

https://www.instagram.com/reel/DJ7KE5hz6N-/?igsh=Nmd0b3N4cTAxazdm